Një sobë me dru ka qenë shkaku i djegies së pallatit në Gramsh gjatë mbrëmjes së kaluar.
Ky është versioni zyrtar i policisë deri më tani.
“Shkak i rënies së zjarrit dyshohet të ketë qenë soba me dru e një banese”¬ njofton policia. Sipas saj, pas njoftimit të marrë se në Lagjen “18 Gushti” në një pallat në Gramsh kishte rënë zjarr. “Menjëherë në vendngjarje mbërritën shërbimet e policisë që bënë evakuimin e banorëve dhe shërbimet e zjarrëfikëses që punuan për shuarjen e zjarrit. Shërbimet e policisë në kohë reale kanë bërë evakuimin e të moshuarës shtetases R.D, 75 vjeçe. Si rezultat ka patur vetëm dëme materiale ku janë djegur 6 banesa” -njofton policia.
Sipas raportimeve te para, 8 apartamente te pallatit ku ra zjarri janë shkrumbuar ndërsa mësohet se ka disa persona të lënduar lehtë dhe dëme të mëdha materiale. Zjarri është i fuqishëm dhe ka rënë në katin e tretë të pallatit. Zjarrfikëset kane shkuar në vendin e ngjarjes. Në një komunikim për Report Tv, kryetarja e bashkisë Gramsh Luljeta Dollani ka deklaruar se situata është problematike.
Sipas saj zjarri ka qenë shumë i fuqishëm ku ka shkrumbuar 8 apartamente. “Situata është problematike. Dy zjarrfikëse dhe një tjetër nga Gramshi po përpiqen të neutralizojnë flakët. Në dijeni time nuk ka persona të lënduar por dëme të mëdha materiale. Nga flakët janë përfshirë 8 apartamente të shkrumbuara”, u shpreh Dollani.
78707-8 by revistaime
E pyetur se çdo të bëhet me familjet, shtëpitë e të cilëve janë përfshirë prej mëse 1 ore nga zjarri, Dollani është shprehur se do bashkia do të përpiqet për të gjetur një mënyrë për strehimin e tyre. “Do të gjejmë mundësinë për të strehuar këto familje. Flakët po vihen nën kontroll dhe nuk ka rrezikshmëri që flakët të përhapen më tej”, tha Dollani.
