Një person është plagosur pasi automjeti që drejtonte doli nga rruga në aksin Korçë-Voskopojë, në afërsi të fshatit Turan.
Policia njoftoi se N.K., rreth 20 vjeç, duke drejtuar mjetin tip “Toyota”, dyshohet se ka humbur kontrollin e mjetit dhe ka dalë nga rruga.
Për pasojë është lënduar vetë drejtuesi, i cili po merr ndihmën mjekësore në Spitalin e Korçës.
Grupi hetimor po punon për sqarimin e rrethanave dhe përcaktimin e shkaqeve të daljes nga rruga të automjetit, shtuan të njëjtat burime.
