Një aksident i rëndë ka ndodhur në Kapshticë pasditen e sotme.
Nga raportimet mësohet se si pasojë e aksidentit ka humbur jetën drejtuesi i mjetit Arjan Shtika, ndërsa ka mbetur i plagosur një tjetër shtetas, A.B, i cili është transportuar drejt spitalit të Korçës.
Aksidenti ka ndodhur në aksin Korçë-Kapshticë, ndërsa policia ka nisur hetimet lidhur me shkaqet.
Njoftimi i policisë:
Devoll/Informacion paraprak
Më datë 01.07.2022, rreth orës 16:50, jemi njoftuar se në aksin rrugor Bilisht-Kapshticë, në afërsi të fshatit Kapshticë, Devoll, shtetasi A. Sh., rreth 31 vjeç, banues në fshatin Hoçisht, Devoll, duke drejtuar mjetin tip “Hyundai”, dyshohet se ka humbur kontrollin e mjetit dhe ka dalë nga rruga. Për pasojë ka ndërruar jetë drejtuesi A. Sh. dhe është dëmtuar pasagjeri shtetasi A. B., i cili ndodhet në Spitalin e Bilishtit jashtë rrezikut për jetën.
Grupi hetimor po punon për sqarimin e rrethanave dhe përcaktimin e shkaqeve të daljes nga rruga të automjetit.
