Kryeministri Edi Rama ka komentuar kërkesën e PD për t’i hequr mandatin Olta Xhaçkës, pasi e akuzojnë se ka konflikt interesi përmes bashkëshortit të saj si investitor strategjik.
Në konferencën për mediat këtë të Premte, Rama nënvizoi se nuk shikon asnjë në të metë në të gjithë procedurën, por sipas tij këtë çështje duhet ta gjykojnë institucionet.
“Vesi del me shpirtin dhe këta që merren me këto punë nuk do ndryshojnë kurrë. Kurrë për fat të keq. Ne jemi shumë mirëpritës dhe mikpritës për çdo shenjë ndryshimi nga ana e tyre por këta mesa duket nuk do ndryshojnë. Tërheqja zvarrë e kujtdo që u del përpara për të bërë linçime është një praktike që nuk do ndryshojë. Zgjedhja jonë është e thjeshtë dhe rruga jonë është e përcaktuar, ose do bëjmë punët duke qenë të vetëdijshëm që nuk jemi perfekt, kemi edhe ne të metat tona, ose do merremi me këta. E kam të qartë që do minutë e humbur për tu marrë me këta është gjynah i madh. Nuk shoh asnjë problem të natyrës së ngritur në këtë furtunë në gotë. Megjithatë le ta gjykojnë institucionet”, tha Rama.
Për çështjen foli edhe Olt Xhaçka. Ministrja u pyet nga gazetarët nëse e ka pasurinë bashkë me bashkëshortin apo të ndarë. “Një centimetër tokë publike ose një lek para publike të përfituar nga unë apo bashkëshorti, patjetër do t’u jepja përgjigje nëse pasuritë i kemi të ndara apo të përbashkëta. Ky është një spekulim i pak deputetëve të opozitës që u ka humbur konteksti politik për 15 minuta fame edhe në këtë konferencë shtypi që është shumë e rëndësishme për arenën ndërkombëtare. Ky është një diskutim nëse një biznes privat ka të drejtën që të hapë apo të mos hapë çadra në plazh që nuk tjetërsohet dhe është pronë publike. Investimet në turizëm duken stimuluar sepse kështu qëllimi i investimeve strategjike sidomos në sektorë sikurse është turizmi që janë prioritare për ekonominë tonë. Unë në respekt të opinionit publik qëndrimin tim e kam bërë të qartë. Unë do të pres që institucionet të flasin ashtu sikurse duhen”, tha Xhaçka.
