Një shpërthim me eksploziv ka ndodhur rreth mesnatës në Ishull-Shëngjin të Lezhës.
Lënda plasëse është vënë pranë një servisi makinash. Nga shpërthimi raportohet vetëm për dëme materiale, ndërsa mësohet se servisi i makinave është në pronësi të shtetasit Tol Mhillaj.
Ndërkohë, policia ka nisur hetimet për zbardhjen e ngjarjes.
“Në mesnatë, në Ishull Shëngjin, afër portës së servisit të automjeteve në pronësi të shtetasit Tol Mhillaj, 58 vjeç, është hedhur një sasi e vogël lëndë plasëse, ku si pasojë e shpërthimit të saj janë shkaktuar vetëm dëme materiale. Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit”, njoftoi policia.
