Shoqata e Infermierëve shprehet se Shqipëria është në krizë për personel shëndetësorë me mungesa të mëdha të mjekeve dhe infermiereve.
“Ashtu siç kishte parashikuar Shoqata e Infermiereve të Shqipërisë që Shqipëria do jetë në kolaps për personel Shëndetësor ashtu po ndodh. Shume spitale si shtetërore ashtu dhe private janë me mungesa të mëdha të mjekeve specialist dhe infermiereve”, thuhet në një reagim të shoqatës.
Sikur të mos mjaftonte kjo, bën me dije shoqata, ditët e fundit, Ministria e Shëndetësisë për të plotësuar nevojat për staf në Qendrat Shëndetësore Verore po telefonon dhe po u kërkon mjekeve të dalë në pension të behën pjesë e këtyre shërbimeve.
“Pse valle kur ne ngremë shqetësime reale ato nxjerrin lloj-lloj justifikimesh apo shpesh dhe duke përgënjeshtruar shifrat e deklaruara nga ne të largimeve masive nga Shqipëria të mjekeve dhe infermiereve dhe sot del zbuluar ky realitet ku Ministria për të mos dalë zbuluar që nuk ka mjek e infermier ju lutet stafit të dalë në pension për t’ju bashkuar për të shërbyer. Kur do ndërgjegjësohen për të rregulluar politikat e duhura të punësimit dhe vlerësimit të stafit mjekësore para se Shqipëria të bëhet monopol i një grupi mjekesh e infermieresh të politizuar që kane kthyer si pronë të tyre vendin e punës apo çdo post tjetër duke bërë që infermieret dhe mjeket e aftë të largohen nga Shqipëria. Mos valle duhet ti kthejë sytë Ministria nga vendet e tjera për të plotësuar nevojat për staf mjekësor në vend??? Nuk keni parë gjë akoma…pasi tani është vone për të ndaluar ketë hemorragji ne Shëndetësi”, mbyllet reagimi.
