Pak ditë pas vjedhjes spektakolare në vilën e huazuar nga mesfushori italian Marco Verratti në Ibiza, policia spanjolle zbulon identitetin e bandës mes të cilëva ka edhe shqiptarë.
Pasi i grabitën rreth 3 milionë euro para dhe bixhuteri në vilën e marrë me qera nga Ronaldo braziliani, mesfushori i PSG bëri denoncimin në polici dhe pas rreth 48 orëve, autoritetet e rendit kanë dalë në përfundimin se mes “skifterëve” kishte edhe shqiptarë.
Personat ende të paidentifikuar janë arrestuar në Alicante u zbritën nga trageti ku kishin hipur për t’u larguar nga ishulli pasi kishte finalizuar vjedhjen spektakolare gjatë orëve të paradites kur futbollisti kampion Europe dhe familja e tij ishin të pranishëm në vilë.
Edhe në Malaga, policia ka prangosur 4 persona të tjerë, pjesë e të njëjtit grup. “Të ndaluarit janë pjesë e një bande të përbërë nga shqiptarë dhe spanjollë, të specializuar në vjedhjen e shtëpive dhe vilave pasi kanë precedent të ngjashëm në Spanjë”.
Agjencia prestigjoze AFP saktëson se policia nuk pranon të japë informacione të detajuara pasi çështja mbetet në hetim por 4 nga 6 të arrestuarit shqiptarë, një prej tyre rumun dhe një tjetër spanjoll.
Detajet që publikon policia janë interesante pasi hajdutët hynë nga dritaret e vilës së pozicionuar në zonën e Cala Jondal në një kohë që familja e futbollistit dhe disa miq të tij po festonin në oborrin e ndërtesës luksoze. Në momentin që hajdutët vodhën sendet dhe paratë, askush nga të pranishmit në festën që kishte organizuar Verrati, por as 4 punonjësit ë sigurisë të punësuar prej tij, nuk e kuptuan se çfarë po ndodhte.
Menjëherë pasi finalizuan vjedhjen, disa nga hajdutët u larguan me shpejtësi nga ishulli dhe hipën në target duke udhëtuar drejt Alicantes ku edhe u ndaluan. Pas kontrollit, policia siguroi të gjitha provat që vërtetuan vjedhjen e bërë në vilën e futbollistit. Ata i kishin fshehur sendet e vjedhura në pjesën e bagazhit ku kishin improvizuar një hapësirë. Hetimet po vazhdojnë për të zbulluar emra të tjerë të përfshirë nëse ka, por për të hequr edhe disa pikëpyetje nëse ka pasur apo jo një plan për vjedhjen e vilës apo gjithçka ishte rastësore.
Kjo nuk është hera e parë që shqiptarët përfshihen ne vjedhjen e vilave të personazheve të njohur të botës së futbollit pasi pak javë më parë u prangos në Shqipëri edhe drejtori i Ujësjellës-Kanalizime Kurbin, Alfred Prodani, i cili do të ekstradohet për t’u gjykuar në Spanjë për vjedhjen e banesës së sulmuesit të Real Madrid, Karim Benzema.
