Florian Marku po përgatitet për duelin e radhës. Boksieri kampion bote për federatën IBF, mbrëmjen e sotme ka njoftuar se ndeshja e tij e radhës do të jetë në stadiumin “Air Albania” në kryeqytet.
Gjithashtu, boksieri nga lushnja ka deklaruar që të shtunën do të zbulojë detaje të tjera përfshirë edhe datën e ndeshjes.
“Pershendetje te gjithe Shqiptareve kudo qe jan neper bote. Dua tju lajmeroj se ndeshja ne stadiumin Air Albania per kete verë eshte vendosur. Te shtunen ju tregoj daten e cdo detaj tjeter. Qe kur kam qene femije endrra ime ka qene te ndeshem ne mes te Shqiperise para jush. Mezi pres!”- shkruan 30 vjeçari në rrjetin social “Facebook”.
Marku vijon të mbetet një nga boksierët më të mirë kuqezi, duke mbajtur lart flamurin e Shqipërisë nëpër botë.
