Deklarata e ish-presidenti Hashim Thaçi për liberalizimin e vizave u dha pasi Kosova përmbushi të gjitha kriteret e vendosura nga Bashkimi Evropian për të hequtr regjimin e vizave për kosovarë.
Tri vjet më vonë i njëjti urim erdhi nga ish-kryeministri Ramush Haradinaj, pasi qeveria e tij përmbushi një kusht të ri, kësaj radhe politik, e që ishte ratifikimi i marrëveshjes së demarkacionit me Malin e Zi.
Por edhe pse kanë kaluar gjashtë vjet që kur Kosova i kreu të gjitha detyrat, vizat kosovarëve ende nuk iu kanë hequr.
Për më tepër, komisionari i BE-së për fqinjësi dhe zgjerim, Oliver Varhej, paralajmëroi udhërrëfyes shtesë për të arritur tek liberalizimi i vizave.
E dikush që kishte qenë ministër i integrimeve evropiane, thotë se ky propozim duhet hedhur poshtë nga qeveria aktuale e Kosovës.
Edhe ish-ambasadori i Holandës në Kosovë, Robert Bosch, e quajti të pakuptimtë deklaratën e komisionarit të BE-së.
Të njëjtin mendim e ka edhe ish-ministri i jashtëm i Kosovës, Petrit Selimi, i cili e quajti raciste politikën e BE-së karshi Kosovës.
Megjithatë zëdhënësja e Komisionit Evropian, për çështje të fqinjësisë dhe zgjerimit, Ana Pisonero, sqaroi të martën se nuk ka planifikuar asnjë udhërrëfyes të ri për liberalizimin e vizave për Kosovën dhe se mbetet në qëndrimin se Kosova i ka përmbushur të gjitha kushtet.
