Deputetja e Partia Demokratike, Jorida Tabaku, ka zhvilluar një diskutim me eurodeputetin Andrey Kovatchev dhe deputetë të parlamentit të ri bullgar, ku është folur për procesin e integrimit europian dhe zhvillimet politike në rajon.
Në një postim në Facebook, Tabaku thekson se qytetarët kërkojnë ndryshim të një sistemi që, sipas saj, “ka kapur shtetin dhe ka dobësuar institucionet”.
Ajo shton se integrimi europian nuk duhet parë vetëm si proces teknik me kapituj negociues dhe konferenca, por si një transformim i thellë që nënkupton shtet ligjor funksional, standarde europiane dhe mundësi të barabarta për qytetarët.
Diskutimi është zhvilluar në kuadër të kontakteve me përfaqësues të parlamentit të ri bullgar, ku është theksuar rëndësia e reformave dhe forcimit të institucioneve demokratike në vendet aspiruese për anëtarësim në Bashkimin Europian.
