Presidenti i Këshillit Europian, António Costa, do të zhvillojë nesër një vizitë zyrtare në Tiranë, në kuadër të turit të tij diplomatik në gjashtë vendet e Ballkanit Perëndimor.
Vizita vjen në prag të Samitit BE–Ballkani Perëndimor, i cili do të mbahet më 5 qershor në Tivat, dhe synon të theksojë angazhimin e Bashkimit Europian për forcimin e bashkëpunimit me vendet e rajonit.
Gjatë qëndrimit në Tiranë, Costa do të takohet me Kryeministrin Edi Rama. Pas takimit mes dy delegacioneve, Rama dhe Costa do të mbajnë një konferencë të përbashkët për shtyp, ku pritet të diskutojnë mbi procesin e integrimit europian, zhvillimet rajonale dhe përgatitjet për samitin e ardhshëm.
