Internacionalja Demokrate Kristiane (IDC-CDI), ka uruar zyrtarisht Sali Berishën për rikonfirmimin e tij si Kryetar i Partisë Demokratike të Shqipërisë.
Berisha mori një mandat të ri në krye të forcës kryesore opozitare në vend pas një procesi votimi përmes një referendumi nga anëtarësia.
Në mesazhin e saj të urimit, IDC-CDI vlerëson procesin demokratik të ndjekur nga Partia Demokratike dhe konfirmon mbështetjen për liderin e saj.
View this post on Instagram
Pas rinkonfirmimit Berisha reagoi teksa fokusin e vuri tek 40 mijë votat e demokratëve që mori.
Berisha shkruante se PD-ja i zgjedh drejtuesit bazuar në demokraci, teksa shton se votat e tyre ishin triumf i dinjitetit të demokratëve.
Berisha u shpreh se për kundërshtarët politikë, vota e demokratëve ishte një “tmerr dhe ferr i vërtetë”, ndërsa për shqiptarët ishte një “triumf i dinjitetit mbi mafian më të rrezikshme të Europës”.
Nga ana tjeter Ervin Salianji publikoi filmime duke thënë se në votimet e së shtunës, PD fryu shifrat.
Salianji ka shifra të tjera edhe mbi një garë të mundshme mes tij dhe Sali Berishës. Sipas në proces kanë marrë pjesë vetëm 5 mijë anëtarë, jo 39 441 sa ka pretenduar PD.
“Pjesëmarrja ishte minimale. Sipas monitorimit që kemi bërë në çdo degë nga demokratët që duan ndryshim, nuk kanë marrë pjesë më shumë se sa 5 mijë anëtarë”, tha Salianji.
Ai thotë se kryedemokrati iu shmang ballafaqimit me të në garë, pikërisht se është i vetëdijshëm se më shumë se 80% e bazës është e pakënaqur me të.
