Pak ditë më parë, katër punonjës policie të Sarandës, përfshirë shefin e komisariatit Gëzim Bashllari, u arrestuan nga AMP.
Hetimet kanë konfirmuar se drejtuesit policorë në Sarandë morën para për të mos kryer veprime në dëm të ndërtuesve, ose për të kryer procedura kundër ligjit në favor të tyre.
Avokati Kujtim Cakrani shpjegon në një reagim në Facebook se kush është Gezim Bashllari, drejtuesi i policisë së Sarandës, prangosur tashmë nga kolegët e tij. Sipas avokatit ai u emërua ne këtë post si shpërblim për rrëmbimin që iu bë Ilir Metës gjatë arrestimit të tij në Tiranë.
“Është një nga 4 policët banditë me maska të paidentifikuar me nr apo me emër, që rrëmbyen Presidentin z. Ilir Metaj në mes të rrugës pa vendim gjykate më 21 tetor 2024”, shkruan Cakrani.
“Pas këtij veprimi banditesk Bashllari u emërua nga kryebanditi ish Dr. Përgjithshëm Ilir Proda Shef Kom. Sarandës” vijon ai.
Postimi i plotë i avokatit:
E dini kush është Shefi Komisariatit Sarandës që u arrrstua për shpërdorim detyre etj?
Është një nga 4 policët banditë me maska të paidentifikuar me nr apo me emër, që rrëmbyen Presidentin z. Ilir Metaj në mes të rrugës pa vendim gjykate më 21 tetor 2024.
Pas këtij veprimi banditesk Bashllari u emërua nga kryebanditi ish Dr. Përgjithshëm Ilir Proda Shef Kom. Sarandës.
Edhe tre emrat e tjerë që rrëmbyen Presidentin Metaj i kemi të identifikuar por ka kohë për ti bërë publikë.
Vetëm prokuroria nuk po “arrin” dot ti gjej edhe pse ka kaluar 19 muaj nga ai akt banditësh.
