Biznesmeni Endri Meksi doli nga Prokuroria e Posaçme (SPAK) pas marrjes në pyetje për rreth 6 orë pa ndërprerje.
Thirrja e tij lidhet me deklaratat që ka bërë së fundmi.
Kujtojmë se Meksi, publikisht ka denoncuar se ka marrë kërcënime me jetë, ndërsa ka shtuar se i rrezikohet jeta. Madje ai ka deklaruar se për rastin në fjalë ka bërë dhe denoncim në polici.
Gjatë daljes nga godina e SPAK (pas 5 orë e 45 minuta), ai iu përgjigj shkurtimisht gazetarëve se ishte thirrur dhe pyetur për disa çështje që kishte deklaruar kohët e fundit.
“Ishte interesante, u pyeta për ato që kam deklaruar kohët e fundit”, tha ai shkurtimisht për gazetarët.
Vetëm pak ditë në parë në ambientet e një dyqani MCN Get Connected në pronësi të Meksit ishte vendosur një sasi eksploziv.
Për fat të mirë nuk pati persona të lënduar, por vetëm dëme materiale.
