Kryedemokrati Sali Berisha komentoi Belinda Ballukun, e cila një ditë më parë në homazhet për Servet Pëllumbin nuk ishte me grupin parlamentar të PS, por shkoi e ndare, duke drejtuar deputetët e qarkut të Fierit.
Për Berishën, kjo qasje e Ballukut tregon se ajo ka marrë edhe rolin e kryetarit: “E patë Ballukun dje apo jo, bëri edhe rolin e kryetarit tuaj, Do me ja marrë atij tjetrit, E filloi frkasioni I Fierit, hajde mos I shkoni po të doni. Pra nuk vjen ai. E patë raportin, sesi thotë Parlamenti, është inekzistent pothuajse në funksionet e tij. E patë cfarë thuhet për Ballukun, e lexuat o Lubistë. Në vend që të ulni kokën, prapë e mbroni”.
Berisha foli edhe për raportin për Shqipërinë e miratuar në Komisionin e Jashtëm të PE. Sipas tij, vota për të mbrojtur Belinda Ballukun është thikë pas shpine e procesit të integrimit në BE të shqiptarëve.
“Absurdi më I madh është injorimi I komisionit të jashtëm të Parlamentit Evropian. Lexojeni mire atë raport. Me atë votë krimi që ka dhënë për Ballukun I ka futur një thikë pas shpine procesit të integrimit evropian të shqiptarëve. Mediat informojnë se janë bërë mbi 300 ndërhyrje në komision. Fillon dhe mbaron absolutisht sikur ta kishte shkruar opozita, në kuptimin e denoncimeve, të vëertetave të saj për vite të tera. Por kjo nuk është produkt I opozitës, por produkt I atij misioni faktmbledhës”, tha Berisha.
