Komisioni i Mbrojtjes pranë Këshillit të Lartë Gjyqësor ka vendosur shtimin e masave të sigurisë fizike për gjyqtaren e Gjykatës së Posaçme, Irena Gjoka.
Vendimi është marrë nga struktura e përbërë nga përfaqësues të Policisë së Shtetit, Gardës së Republikës dhe institucioneve të tjera të sigurisë, të cilët kanë miratuar rritjen e nivelit të mbrojtjes për gjyqtaren.
Ende nuk bëhen të ditura arsyet konkrete apo rrethanat që kanë çuar në këtë vendim, ndërsa nuk ka informacion zyrtar nëse gjyqtarja ka marrë kërcënime direkte apo nëse masat lidhen me çështje të caktuara gjyqësore që ajo po shqyrton.
Kujtojmë se PD ka kallëzuar në SPAK se gjyqtarja Irena Gjoka ka falsifikuar formularët e dekriminalizimit. Sipas PD, Gjoka nuk kishte deklaruar në këto formularë një dënim penal të dhënë ndaj saj nga Gjykata e Janinës në vitin 2005 për mbajtjen e një dokumenti të falsifikuar.
