Në procesin gjyqësor për dosjen “SASPAC”, ku mes të akuzuarve është edhe ish-zyrtari Ilir Beqaj, Prokuroria e Posaçme (SPAK) ka paraqitur një provë të re përpara gjykatës.
Bëhet fjalë për një laptop të sekuestruar më herët gjatë këtij viti, në pronësi të Alfred Nikolli.
Nga kjo pajisje është nxjerrë një dokument në format Excel, i cili përmban të dhëna mbi shpenzimet e kryera nga Nikolli në një event.
Prova e re iu paraqit gjyqtares Elsa Ulliri gjatë seancës së fundit, duke u bërë pjesë e materialeve të shqyrtuara në kuadër të këtij procesi.
Nga ana tjetër, avokatët mbrojtës kërkuan kohë për t’u njohur me aktin e ri të paraqitur nga SPAK.
Për këtë arsye, Gjykata e Posaçme vendosi shtyrjen e seancës, duke caktuar datën 6 maj, ora 10:00, për vijimin e gjykimit.
