Kreu i SPAK, Klodian Braho, po raporton sot për punën e bërë nga ky institucion për vitin 2025, përpara KLP.
Ai deklaroi se Prokuroria e Posaçme Antikorrupsion ka proceduar rreth 30 zyrtarë të lartë për çështje që lidhen me korrupsionin, ndërsa kanë procedime edhe procedime të reja.
Sipas tij, korrupsioni në nivel të lartë mbetet ende qetësues. Mes të tjerash ai shtoi se zyrtarëve të lartë i janë sekuestruar edhe miliona euro pasuri.
“Korrupsioni mbetet shqetësues dhe përfshin zyrtarë në disa fusha. Nga 186 në 220 çështje për korrupsion. Nga 30 zyrtarë dhe ish-zyrtarë, gjysma janë dërguar në gjykatë dhe 10 janë dënuar me vendim të formës së prerë. Sa i përket hetimit financiar, punojnë 12 hetues dhe priten edhe 4 të tjerë.
Është në fazën e Vettingut. Ka pasur më shumë efektivitet në këtë sektor. Janë hetuar persona dhe janë zbuluar skema komplekse të pastrimit të parave. Kemi nisur të ndjekjen e parave paralelisht me ndjekjen penale dhe kemi bllokuar mbi 24 milionë euro, përfshirë 12.4 milionë euro kriptovaluta. Bashkëpunimi kombëtar, SPAK po bashkëpunon me të gjithë partnerët ndërkombëtarë. 18% çështje të reja për korrupsion. 6 procedime te reja për zyrtare të lartë”, tha ai.
Po ashtu, Braho ka deklaruar se gjatë kësaj kohe janë konfiskuar12.4 mln euro kripotovaluta por evidenton problematika në lidhje me ruajtjen dhe administrimin e tyre. Kjo pasi sipas tij nga vetëm natyra e kriptomonedhave, shifra mund të ndryshojnë drastikisht në një kohë të shkurtër.
“Kemi problematikë për administrimin e kriptomonedhave të konfiskuara. Po punohet për miratimin e kuadrit ligjor për administrimin e tyre. Shpresojmë që së shpejti kjo të rregullohet, që të mund të administrohen portofolet e kriptovalutave sepse lidhet edhe me vënien e tyre në punë, kjo pasi janë shifra që mund të kenë ndryshime drastike në një kohë shumë të shkurtër”, tha ai.
I pyetur nga anëtarët e Këshillit të Lartë të Prokurorisë, në lidhje me faktin që celularet janë 75% e provave totale, Braho ka sqaruar se kjo ndodh pasi celularët janë një nga mjetet më të përdorura ndaj aty mund të gjen një sërë provatsh, ndërsa ka evidentuar mungesën e një kuadri ligjor lidhur me procedurat e administrimit të provave nga celularët pas vendimit të Gjykatës Kushtetuese
“Celularët janë sendet më të përdorshme. Me daljen e vendimit të Gjykatës Kushtetuese SPAK ka ndryshuar procedurën e këqyrjes dhe marrjes të të dhënave të celularëve , prokurorët i drejtohen gjykatës edhe për të marrë dhe përdorur të dhënat nga celularët. Edhe pse nuk ka ende një ndryshim ligjor në procedurë në lidhje me procedurën që duhet të ndiqet, vendimi i GJK është nisur të zbatohet për aq sa e mendojmë të zbatueshëm. SPAK ka ngritur edhe një grup pune që të rregullohet nga ana juridike situata. Presime të zhvillohet edhe pak praktika e gjykatës”, tha Braho.
