Irani është ende nën një ndërprerje pothuajse totale të internetit që nga 28 shkurti, po ka disa persona të cilët kanë akses. Megjithëse ndonëse autoritetet kanë refuzuar një të ashtuquajtur sistem aksesi “me nivele”, Irani u ka dhënë qasje selektive grupeve të caktuara.
Përveç disa si gazetarët dhe përdoruesit që kishin akses që nga dita e parë, aksesi kohët e fundit u është dhënë grupeve të tilla si pronarët e bizneseve, pedagogët e universiteteve dhe kohët e fundit, mjekët.
Por çfarë ndodh me ata, puna e të cilëve mbështetet në internet dhe që nuk janë pjesë e grupeve të përzgjedhura?
Ministri i komunikimit i Iranit thotë se rreth 10 milionë njerëz, nga një popullsi prej rreth 90 milionë banorësh, varen nga interneti i qëndrueshëm dhe se ndërprerja e vazhdueshme kërcënon vendet e tyre të punës.
BBC shkruan se disa prej tyre u është dashur të paguajnë shuma të mëdha për të blerë lidhje, kryesisht të drejtuara përmes pajisjeve Starlink, të cilat janë vetë të paligjshme në Iran.
BBC ka folur me disa njerëz, jeta e të cilëve varet nga krijimi i përmbajtjes në mediat sociale dhe ata kanë humbur pjesë të mëdha të të ardhurave për shkak të ndërprerjes.
“Të ardhurat e mia janë reduktuar në një të tretën që nga ndërprerja,” tha një mësues i pavarur për BBC. Ai tha se po përdor një aplikacion mesazhesh shtëpiake për të mbajtur mësimet e tij.
Një zyrtar nga Dhoma Iraniane e Tregtisë vlerësoi javën e kaluar se ndërprerjet e internetit kushtojnë 30-40 milionë dollarë në ditë në humbje direkte dhe 70-80 milionë dollarë, duke përfshirë ndikimet indirekte.
