Presidenti amerikan, Donald Trump, ka bërë të ditur se marrëveshja për të dhënë fund luftës me Iranin do të nënshkruhet në orët e ardhshme.
Në një intervistë të dhënë për New York Post, Trump ka theksuar urgjencën e bisedimeve dhe ka lënë të hapur mundësinë për një veprim diplomatik të drejtpërdrejtë.
“Marrëveshja me Iranin do të nënshkruhet sonte,” tha Trump, duke konfirmuar se delegacioni amerikan, i udhëhequr nga zëvendëspresidenti J.D. Vance, pritet të arrijë në Pakistan për të vazhduar bisedimet. Trump e theksoi se bisedimet do të zhvillohen, dhe refuzoi të komentojë mbi mundësinë e një dështimi të negociatave. Ai shtoi gjithashtu se është i hapur për një takim të drejtpërdrejtë me udhëheqësit iranianë, nëse kjo do të ndihmonte përparimin e bisedimeve.
“Në këtë fazë, mendoj se askush nuk po luan lojëra,” tha Trump, duke theksuar se ai beson në një zgjidhje pozitive, përkundër tensioneve në rajon dhe afërsisë së skadimit të armëpushimit SHBA-Iran.
