Ish-drejtoresha e Inspektoratit Kombëtar të Mbrojtjes së Territorit, Dallëndyshe Bici, ka dalë nga ambientet e Prokurorisë së Posaçme.
Pas daljes nga SPAK-u, Bici nuk ka dhënë asnjë deklaratë për gazetarët. Ende nuk dihen arsyet e paraqitjes së saj në Prokurorinë e Posaçme.
Dallëndyshe Bici është larguar nga drejtimi i Inspektoratit të Mbrojtjes së Territorit më 26 janar të këtij viti. Këtë detyrë Bici e rimori për herë të dytë në vitin 2024.
Nga gushti 2014 deri në mars 2023, Bici mbajti detyrën e kryeinspektores së IKMT-së. Në mars 2023 u emërua drejtoreshë e Agjencisë Shtetërore të Kadastrës (ASHK).
