Një postim i papritur në Instagram ka shkaktuar trazira te fansat e Mimoza Ahmetit, personazhit më viral të “Ferma VIP 3”.
Mëngjesin e sotëm, në llogarinë e saj zyrtare u publikua një grafikë ku shfaqej fotoja e Mimozës me mbishkrimin: “MIMOZA Largohet nga Ferma VIP”, duke ngritur menjëherë dyshime mbi përfundimin e rrugëtimit të saj televiziv në mënyrë kaq befasuese.
Postimi shkaktoi reagime të shumta nga ndjekësit, të cilët filluan të pyesnin nëse largimi ishte i vërtetë. Për disa minuta, rrjeti social u mbush me komente dhe spekulime rreth situatës.
Megjithatë, shpejt u bë e qartë se gjithçka ishte një rreng i përgatitur nga stafi i saj në Instagram, për të shënuar 1 Prillin, Ditën Ndërkombëtare të Gënjeshtrave.
