Ish-shefi i FBI-së, Robert Mueller, i cili hetoi ndërhyrjen e dyshuar ruse në zgjedhjet e vitit 2016 në Shtetet e Bashkuara, ka ndërruar jetë në moshën 81 vjeç. Lajmin për ndarjen nga jeta e ka konfirmuar familja e tij.
Mueller u emërua drejtor i FBI-së nga presidenti i atëhershëm George Bush në shtator 2001, një javë para sulmeve të 11 shtatorit që do ta çonin atë në qendër të një krize kombëtare.
Ai u bë figura kyçe pas ndryshimit të FBI-së nga luftimi i krimit në kundërshtimin e rreziqeve të sigurisë kombëtare pas sulmit në Qendrën Botërore të Tregtisë në Nju Jork.
Në vitin 2013, Mueller dha dorëheqjen nga byroja dhe më vonë, në vitin 2017, u emërua si këshilltar special për të mbikëqyrur hetimin e Departamentit të Drejtësisë mbi ndërhyrjen e mundshme ruse në zgjedhje, të cilat i dhanë Donald Trumpit mandatin e tij të parë mbi kandidaten demokrate, Hilary Clinton. Mueller la pas gruan dhe dy fëmijët e tij.
