Gazetari Osman Stafa ka replikuar këtë të enjte me Ministren e Shëndetësisë Evis Sala në lidhje me situatën e degraduar të Onkologjikut.
Gjatë konferencës për mediat Stafa i bëri disa pyetje ministres, sa i përket mungesë së barnave dhe terapive për të sëmurët me sëmundje të rënda dhe se kur do të sigurohen këto të fundit.
“Ilaçet aktualisht në Onkologjik janë mungesë 2 ilaçe, Aberateroni ku të sëmurët me prostatë janë 2 muaj pa terapi, ndërsa Acidi folinik blihet si drogë nëpër cepa”, tha ai.
Në përgjigje, ministrja tha se kanë marrë masa për furnizimin me barna, por se ku janë këto masa askush nuk ka parë zgjidhje. Qytetarët e sëmurë detyrohen të kurohen jashtë vendit dhe kalvari i vuajtjeve për mungesë medikamentesh nuk ka gjetur zgjidhje prej vitesh tashmë.
“Kemi marrë disa masa për qendrueshmëri në furnizimin me barna. Ekipi është gjithmonë në alert për të adresuar situatat akute për pacientët, por duhet një zgjidhje e përhershme, u përgjigj ministrja.
