Policia e Shtetit ka zhvilluar në Tiranë operacionin e koduar “Kolektivi”, në kuadër të hetimeve për krime ekonomiko-financiare.
Hetimet nisën pas kallëzimeve të 5 shtetaseve, të cilat pretenduan se nuk ishin paguar për punën e kryer në një subjekt parukerie, si edhe ishin mashtruar nga punëdhënësit e tyre.
Sipas denoncimeve, shuma totale e pagave të padhëna arrin rreth 20 250 euro.
Në përfundim të veprimeve procedurale, u arrestua pronari i subjektit, shtetasi Besmir Aliko, 41 vjeç, ndërsa bashkëshortja e tij, shtetasja K. B., 38 vjeçe, u procedua penalisht në gjendje të lirë.
Gjithashtu, dyshohet se pajisjet me të cilat ushtrohej aktiviteti ekonomik në këtë subjekt ishin futur në vend në mënyrë të kundërligjshme.
Materialet i janë referuar Prokuroria e Tiranës për veprime të mëtejshme lidhur me veprat penale “Mashtrimi”, “Punësimi i paligjshëm”, “Fshehja e të ardhurave”, “Mospagimi i taksave dhe i tatimeve” dhe “Kontrabanda me mallra të tjera”.
