Deputeti demokrat Flamur Noka ka publikuar në rrjetet sociale një dokument që, tregon se Drejtori i Përgjithshëm i Drejtoria e Përgjithshme e Tatimeve, Ilir Binaj, ka deleguar kompetencat pasi do të udhëtojë drejt Shteteve të Bashkuara.
Në postimin e tij, Noka shkruan se Binaj ka shkuar në SHBA për të festuar 50-vjetorin e lindjes, duke e shtuar se ky është si një tjetër shembull i “luksit socialist”.
Ai e mbyll postimin me tone ironike, duke uruar “një gëzuar për socialistët” dhe duke shtuar: “T’ju rrojë drejtori”.
Postimi i Nokës
Është luks të jetosh si “socialist”.
Drejtori i Përgjithshëm i Tatimeve, Ilir Binaj, delegon kompetencat se do shkojë në Amerikë të festojë ditëlindjen.
Nuk është hera e parë që #rilindja i ngre në qiell këta fiasko, duke iu mbathur lavde si “gjeni” e “reformator”. I tillë është edhe rasti i “reformatorit” Binaj, që në atë detyrë e kanë sjell interesa private. Një socialist kapitalist si Binaj, ish auditues, emërimi i të cilit shkakton konflikt interesi për shkak të bizneseve të familjes së tij, jeton luksin që i jep statusi “drejtor socialist”.
