Situata në vendin e quajtur “Arrat e Gurrës”, në aksin rrugor Librazhd–Pogradec, është përkeqësuar ndjeshëm gjatë orëve të fundit, duke sjellë vështirësi serioze në qarkullim.
Rrëshqitja e dherave ka detyruar autoritetet të marrin masa.
Për shkak të rrezikut të shtuar, është vendosur ndalimi i qarkullimit për autobusët dhe mjetet e tonazhit të rëndë. Kjo masë do të mbetet në fuqi deri në një njoftim të dytë, derisa situata të stabilizohet.
Drejtuesit e mjeteve dhe operatorët e transportit janë këshilluar të shmangin këtë aks dhe të përdorin rrugë alternative.
Rrugët kombëtare vazhdojnë të shemben sa herë ka reshje të forta apo lëvizje të terrenit.
Kjo situatë shqetësuese ngre pikëpyetje mbi mënyrën si qeveria menaxhon fondet publike për rrugët dhe sigurinë e qytetarëve. Çdo vit shohim segmente që shemben, duke rrezikuar jetën e njerëzve dhe duke paralizuar lëvizjen e automjeteve.
