Ish-ministRI i energjisë në Ukrainë, German Galushchenko, është arrestuar teksa po përpiqej të largohej nga vendi.
Sipas mediave të huaja, Galushchenko, i cili u detyrua të largohej nga roli i tij qeveritar vitin e kaluar pasi ishte midis zyrtarëve të përmendur në një skandal korrupsioni, thuhet se u arrestua ndërsa ishte në një tren që po largohej nga Ukraina.
BBC shkruan se, nuk është e qartë se ku kishte ndërmend të udhëtonte. Ai ishte një nga disa figura qeveritare të implikuara në një skemë të dyshuar për përvetësim prej 100 milionë dollarësh në nëntor. Skandali kërcënoi të përfshinte administratën e Presidentit ukrainas Volodymyr Zelensky, e cila erdhi në pushtet para pushtimit të plotë të Rusisë me premtimin për të çrrënjosur korrupsionin.
Shefi i shtabit të Zelensky-t, Andriy Yermak këshilltari i tij më i ngushtë gjatë gjithë luftës dha dorëheqjen pasi u kontrollua shtëpia e tij. As presidenti dhe as Yermak nuk janë akuzuar për ndonjë shkelje. Megjithatë, skandali ka rritur presionin nga SHBA-të për të mbajtur zgjedhje, të cilat janë pezulluar që nga fillimi i luftës në vitin 2022 për shkak të dispozitave në kushtetutën e Ukrainës. Galushchenko ishte për një kohë të shkurtër ministër i drejtësisë, një post që e mbajti kur Zelensky i tha të jepte dorëheqjen në nëntor, pasi kishte shërbyer si ministër i energjisë për tre vjet më parë.
Pasardhësja e tij, Svitlana Hrynchuk, gjithashtu dha dorëheqjen pasi u përfshi në skandal. Galuschenko ishte midis atyre që dyshohet se kishin mbledhur sistematikisht ryshfete nga kontraktorët e Enerhoatom me vlerë midis 10% dhe 15% të vlerave të kontratës.
Organet antikorrupsion thanë gjithashtu se shumat e mëdha ishin pastruar në skemë dhe publikuan fotografi të çantave plot me para të gatshme. Fondet më pas u transferuan jashtë Ukrainës, përfshirë Rusinë, tha Nabu. Ish-anëtari i Bashkimit Sovjetik është prej kohësh i prekur nga problemet e korrupsionit, të cilat kanë vazhduar pavarësisht se Nabu dhe Sap kanë vepruar për një dekadë. Lufta kundër korrupsionit shihet si një kërkesë kyçe për anëtarësimin e Ukrainës në BE.
