Sekretari i përgjithshëm i qeverisë britanike, Chris Wormald, ka dhënë dorëheqjen nga posti i sekretarit të kabinetit dhe kreut të Shërbimit Civil, vetëm pak muaj pasi ishte emëruar në detyrë në dhjetor 2024.
Cabinet Office njoftoi se largimi është bërë “me marrëveshje të ndërsjellë”, në një kohë kur mediat britanike raportojnë për pakënaqësi nga 10 Downing Street lidhur me performancën e tij. Me këtë zhvillim, Wormald bëhet zyrtari me mandatin më të shkurtër në historinë e këtij roli.
Kryeministri Keir Starmer e falënderoi për më shumë se 35 vite në shërbim publik dhe konfirmoi se ishte arritur dakordësia për dorëheqjen e menjëhershme. Përkohësisht, përgjegjësitë e tij do të ndahen mes tre zyrtarëve të lartë deri në emërimin e pasardhësit.
Largimi vjen në një moment të ndjeshëm për ekzekutivin britanik, pas debatit për emërimin e Peter Mandelson si ambasador në Shtetet e Bashkuara dhe disa ndryshimeve të tjera në rrethin e afërt të kryeministrit.
