Një ngjarje e pazakontë është regjistruar në Shangai të Kinës, ku toka është hapur papritur duke përpirë një kantier të tërë ndërtimi.
Sipas pamjeve të publikuara, të filmuara nga një kamerë sigurie e vendosur në zonë, toka fillimisht lëkundet dhe më pas krijohet një gropë e madhe që gëlltit kontejnerët dhe strukturat e përkohshme të kantierit.
Në video shihen punëtorët që largohen me shpejtësi nga zona për të shmangur rrezikun, ndërsa një pjesë e madhe e sipërfaqes shembet brenda pak sekondash.
Raportohet se ngjarja ka ndodhur në një zonë ku po zhvillohen punime për ndërtimin e një aksi rrugor.
Shangai përballet shpesh me probleme të fundosjes së tokës, për shkak të përbërjes së butë të saj dhe pompimit të vazhdueshëm të ujërave nëntokësore, faktorë që rrisin rrezikun e incidenteve të tilla.
View this post on Instagram
