Policia ka kryer kontrolle në shtëpitë e ish-kryeministrit norvegjez Thorbjørn Jagland si pjesë e një hetimi të vazhdueshëm, për lidhjet midis tij dhe abuzuesit seksual të ndjerë amerikan ,Jeffrey Epstein.
Sipas raportimeve, bastisja erdhi një ditë pasi Këshilli i Evropës, mbikëqyrësi kryesor i të drejtave të njeriut në kontinent, të cilin Jagland e drejtoi nga 2009 deri në 2019, hoqi imunitetin e tij diplomatik.
“Oekokrim aktualisht po kryen kërkime në rezidencën dhe pronat rekreative të Thorbjoern Jagland. Kjo ishte e pritshme dhe është një pjesë standarde e një hetimi të kësaj natyre,” tha avokati i Jagland, Anders Brosveet në një deklaratë.
Raportohet se Jagland akuzohet për korrupsion të rëndë dhe sipas kodit ligjor të Norvegjisë që i paraprin akuzës zyrtare i lejohet të marrë një avokat në momentin që arrestohet nga Policia.
