Kadastra e Vlorës është mbyllur përfundimisht mëngjesin e sotëm, pas urdhrit të Lorena Goxhobellit, për transferimin e strukturës drejt Tiranës.
Pavarësisht kundërshtimeve të forta dhe protestës nga punonjësit dhe qytetarët, vendimi ka hyrë në fuqi.
Sipas raportimeve, një pjesë e stafit është zhvendosur sot drejt Tiranës, ndërsa një pjesë tjetër është transferuar në Fier, ndërsa thuhet se ata punonjës që nuk kanë pranuar asnjërën nga këto dy mundësi do të largohen nga puna.
Një prej institucionecve më të rëndësishme në qytetin e Vlorës u shkri me urdhër të Lorena Goxhobellit, e cila njoftoi pak ditë më parë, të gjithë punonjësit që të largohen brenda muajit janar, duke mos dhënë asnjë arsye apo motiv të qartëpër këtë vendim.
Ndërkohë Edi Rama, deklaroi një ditë më parë se pas Vlorës do të shkrihen edhe zyrat e tjera të kadastrës në rrethe. Sipas Ramës shërbimin qytetarët do ta marrin online përmes e-albania, edhe pse kjo e fundit prej ditës ka shfaqur probleme.
LEXO EDHE:
