Protestës së thirrur këtë të shtunë te kryeministria i janë bashkuar edhe shqiptarë të diasporës.
Njëri prej tyre, duke folur për mediat ka treguar se ka ardhur nga Londra, enkas për protestën. Sipas tij ka 27 vite që jeton jashtë vendit dhe ka shpresuar se Shqipëria do ndryshojë, por sipas tij është bërë dita ditës më keq.
Ai thotë se ka ardhur në protestë pasi e ndjen detyrim për fëmijët, vendin dhe familjen.
“Kam ardhur nga Londra enkas për protestën. Sot kemi dalë për të protestuar sepse ky vend ka marrë fund. Nuk mund ta imagjinosh ca katastrofe është. Kemi jetuar jashtë 27 vite dhe kemi shpresu se do ky vend do ndërtohet, ky vend po shkatërrohet përditë”,- është shprehur qytetari.
