Kreu i lëvizjes “Shqipëria Bëhet”, Adriatik Lapaj, në një takim me qytetarët në Lezhë bëri thirrje për pjesëmarrje në protestën e 31 janarit.
Lapaj tha se dikur në bulevard për 700 mijë euro u dogj Tirana dhe u vranë 4 njerëz. Ndërsa thekson se sot, vetëm në një mesazh, vidhen 53 milionë euro.
Lapaj tha se Shqipëria nuk është resort i 5 personave, ndaj duhet të çohemi në këmbë përballë kësaj barbarie.
“Sot, vetëm në një mesazh, vidhen 53 milionë euro. Kërkoj nga ju, të çohemi në këmbë përballë kësaj barbarie që po ndodh, përballë atyre që po na vrasin shpresën përfundimisht.
Të përballemi me ta është nevojë, nuk është zgjedhje më.
Shkollat po ngelen pa nxënës. Këtu familjet po ngelen pa fëmijë, fushat po ngelen të papunuara. Shqipëria nuk është thjesht resortet e 5 vetave. Të gjithë e dimë që këta vjedhin.”, theksoi Adriatik Lapaj.
