Këshilli i Mandateve pritet të mblidhet ditën e nesërme (28 janar) për të vendosur mbi imunitetin e Belinda Ballukut, të cilën SPAK do ta arrestojë.
Mbledhja do të mbahet në kryesinë e Kuvendit, teksa një thirrje për protestë është ndarë në rrjetet sociale, ditën e sotme.
Sipas njoftimit të ndarë për mediat, protesta do të nisë ditën e nesërme në orën 10:00 para Kuvendit, ku kërkohet heqja e mandatit të Ballukut.
“Dorëzoni imunitetitn e hajdutëve”, “Për drejtësi deri në fund”, shkruhet në pankartën e ndarë për mediat.
Kujtojmë se imuniteti i Ballukut ka mbetur pezull që vitin e kaluar, pasi Këshilli i Mandateve u shpreh se do të mblidhet pasi Gjykata Kushtetuese të ketë shpallur vendimin për zv/kryeministren.
Belinda Balluku, akuzohet për paracaktim të fituesve në tenderin e ndërtimit të Tunelit të Llogarasë, si edhe për shkelje në procedurat e lidhura me dosjen e Unazës së Madhe.
Më 31 tetor, SPAK e mori zyrtarisht të pandehur, ndërsa i ka kërkuar Kuvendit heqjen e imunitetit dhe autorizimin për arrestimin e saj.
