Tre efektivë janë arrestuar nga policia në Orikum, pasi akuzohen se kanë i marrë ryshfet një personi me qëllim shmangien e arrestimit.
Më konkretisht, bëhet fjalë për shtetasit:
D.L., me detyrë Inspektor krimesh pranë Stacionit të Policisë Orikum;
A.J., me detyrë Shef i Stacionit të Policisë Orikum;
A.F., me detyrë Specialist i Policimit në Zonë pranë Stacionit të Policisë Orikum;
Sipas AMP, tre të lartpërmendruit, akuzohen për kryerjen e veprave penale “Korrupsion pasiv i personave që ushtrojnë funksione publike” në bashkëpunim dhe “Shpërdorim i detyrës”, dhe ndaj tyre GJKKO ka caktuar masën e sigurisë “arrest në shtëpi”.
Këta punonjës policie, në shtator të vitit të kaluar, në kundërshtim me ligjin dhe duke keqpërdorur atributet që iu jep funksioni, kanë kërkuar dhe marrë nga një shtetas shumën prej 270 000 lekësh, në këmbim të shmangies nga përgjegjësia penale.
Pas hetimit, u bë i mundur dokumentimi me prova ligjore i implikimit të punonjësve të policisë në veprime korruptive dhe shpërdorim të detyrës.
Vijojnë hetimet për zbardhjen e plotë të rrethanave të ngjarjes.
