Sekretari i Përgjithshëm i Partisë Demokratike, Flamur Noka, ka akuzuar qeverinë Rama dhe drejtorin e Policisë së Shtetit, Ilir Prodën, për dhunë dhe arrestime arbitrare ndaj qytetarëve gjatë protestës.
Ai akuzoi policinë për përdorim të dhunës brutale, duke përfshirë edhe gra dhe një fëmijë 10-vjeçar, dhe e krahasoi sjelljen e qeverisë shqiptare me regjime autoritare.
Noka paralajmëroi gjithashtu largimin nga detyra dhe burgosjen e Drejtorit të Përgjithshëm të Policisë, Ilir Proda.
“Me urdhër të narkokryeministrit Edi Rama, vegla e bandave kriminale e vendosur në krye të Policisë së Shtetit, Ilir Proda, ka dhënë urdhër të hapur për dhunë, terror dhe arrestime arbitrare ndaj qytetarëve të pafajshëm shqiptarë.
Sot, Policia e Shtetit ka konsumuar një akt të rëndë dhe të paprecedentë, duke ushtruar dhunë brutale ndaj qytetarëve të lirë, përfshirë perfshire vete efektive policie, gra edhe një fëmijë 10-vjeçar. Akte te tilla sot per sot ndodhin vetem Iran, ne regjimin qe po jep shpirt. Ky është fytyra e vërtetë e një regjimi që nuk qeveris, por sundon; që nuk zbaton ligjin, por e përdor policinë si shkop gome kundër popullit.
Këto janë metoda tipike të regjimeve autoritare dhe kriminale që, kur ndihen të rrezikuara, godasin qytetarët dhe frikësojnë shoqërinë. Por populli opozitar nuk trembet, nuk nënshtrohet dhe nuk hesht.
Do të na kenë përballë çdo ditë, në çdo rrugë institucionale e demokratike, deri në çrrënjosjen e këtij regjimi kriminal. Ashtu si shefi i tij, Edi Rama, edhe Ilir Proda e ka rreze qafes largimin nga detyra dhe shkuarjen ne burg”, thuhet ne reagimin e Nokës.
