Seanca në Gjykata e Posaçme kundër Korrupsionit dhe Krimit të Organizuar për Ilir Metën, është shtyrë për më 29 janar.
Sipas raportimeve të mediave gjatë seancës së sotme prokurorët lexuan një pjesë të parashtrimeve të tyre, ndërsa pati edhe debate mes palëve lidhur me provat e paraqitura.
Pas përfundimit të seancës, avokati i Ilir Metës, Kujtim Cakrani, deklaroi për mediat se, sipas tij, akuzat nuk qëndrojnë dhe se procesi do të vijojë.
“Gjatë seancës u vërtetua se akuza nuk qëndron. Beteja mbetet e hapur. Do të takohemi sërish në datën 29 janar.
Shpresojmë që ajo seancë të jetë vendimtare dhe më pas radhën do ta kenë avokatët për parashtrimet tona”, u shpreh Cakrani.
