Gjykata e Posaçme kundër Korrupsionit dhe Krimit të Organizuar ka caktuar masat e sigurisë për personat e arrestuar në operacionin e SPAK kundër call center-ave të dyshuar për mashtrime financiare në Tiranë.
Sipas vendimit të GJKKO-së, gjashtë persona janë lënë në masën “arrest me burg”, ndërsa për dy të tjerë është caktuar masa “arrest me burg” me afat 20-ditor.
Masat e sigurisë të caktuara nga GJKKO:
Remir Gjoligaj – arrest me burg
Endri Gjata – arrest me burg
David Qerimi – arrest me burg
Elis Merkaj – arrest me burg
Hysen Xhepexhiu – arrest me burg
Klaudio Kaçupi – arrest me burg
Rentjan Peposhi – arrest me burg me afat 20 ditë
Odeas Kuqi – arrest me burg me afat 20 ditë
Në kërkim mbeten pronarët e call center-it vëllezërit Agim, Alfred dhe Arjan Prekaj.
Operacioni u zhvillua në një nga kullat e kryeqytetit. SPAK dyshon se call center-at shërbenin si struktura të organizuara për mashtrime financiare, kryesisht ndaj shtetasve të huaj, përmes telefonatave dhe platformave online.
Sipas hetimeve, punonjësit prezantoheshin si përfaqësues të platformave të investimeve online dhe i bindnin “klientët” të investonin shuma parash në faqe të rreme, duke u premtuar fitime të shpejta dhe të sigurta.
Paratë transferoheshin më pas në llogari bankare të kontrolluara nga personat e përfshirë në skemë.
Gjatë operacionit janë sekuestruar pajisje elektronike, telefona celularë, dokumente dhe prova të tjera që pritet të ndihmojnë në zbardhjen e plotë të skemës së mashtrimit.
