Gazetari Armand Shkullaku ka komentuar me tone ironike dhe kritike mënyrën se si kryeministri Edi Rama dhe mazhoranca po e paraqesin letrën e presidentit amerikan Donald Trump, drejtuar dhjetëra liderëve botërorë për të ashtuquajturin “Bordi i Paqes”, ku përfshihet edhe Shqipëria.
I ftuar në emisionin Çim Peka LIVE në SYRI TV, Shkullaku tha se debati në Shqipëri është propagandistik dhe “halucinant”, duke shmangur pyetjen thelbësore: për çfarë roli konkret po vlerësohet Shqipëria.
Sipas tij, përdorimi i përgjithshëm i termit “rol” nuk ka asnjë kuptim pa një shpjegim të qartë. “Roli për çfarë? Si vend demokratik? Si pararojë e demokracisë në Ballkan? Për kontributin në NATO apo për pjesëmarrjen në luftëra? Çdo aktor ka rol në një skenë të caktuar. Cila është skena e Shqipërisë?”, u shpreh Shkullaku.
