Marjeta Përlala është emëruar drejtoreshë e Përgjithshme e Agjencisë Kombëtare të Mjedisit.
Emërimi i Përlala-s në këtë pozicion është bërë me vendim të Këshillit të Ministrave.
“Në mbështetje të nenit 100 të Kushtetutës dhe të pikës 1, të nenit 61, të ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Mjedisit, Këshilli i Ministrave
V E N D O S I:
Znj. Marjeta Përlala emërohet drejtor i Përgjithshëm i Agjencisë Kombëtare të Mjedisit.
Ky vendim hyn në fuqi menjëherë dhe botohet në “Fletoren zyrtare”,- thuhet në vendim.
Më herët postin e drejtoreshës së Përgjithshme të Agjencisë Kombëtare të Mjedisit e mbante Arta Dollani, e cila u shkarkua nga detyra me vendim të Këshillit të Ministrave në datë 23 tetor 2025.
