Një pjesë e madhe e trupës së sigurisë së ish-presidentit venezuelian Nicolas Maduro u vra gjatë operacionit amerikan që çoi në kapjen e tij të shtunën.
Lajmi u konfirmua nga ministri i Mbrojtjes i Venezuelës, gjenerali Vladimir Padrino, në një deklaratë televizive të dhënë të dielën në mëngjes, raporton Reuters.
Padrino nuk dha një shifër të saktë për numrin e viktimave, por theksoi se operacioni ishte i rëndë dhe kishte pasoja serioze për strukturat e sigurisë së Maduros.
Ai mbështeti gjithashtu deklaratën e zëvendëspresidentes Delcy Rodriguez, e cila u shpall presidente e përkohshme e vendit pas arrestimit të Maduros.
Sipas ministrit të Mbrojtjes, forcat e armatosura janë vënë në gatishmëri të plotë në të gjithë territorin e Venezuelës, me qëllim garantimin e sovranitetit, rendit dhe stabilitetit të vendit, në një situatë që ai e cilësoi si tepër delikate dhe të rrezikshme për sigurinë kombëtare.
