Viti i Ri 2026 ka mbërritur fillimisht në ishullin e vogël Kiritimati, pjesë e shtetit të Kiribatit, në Oqeanin Paqësor.
Ky ishull është tradicionalisht vendi i parë në botë që hyn në vitin e ri, për shkak të pozicionit të tij gjeografik dhe zonës kohore.
Kiribati është një shtet ishullor i përbërë nga disa ishuj të vegjël, i vendosur në jug të Havait dhe në verilindje të Australisë. Pavarësinë nga Mbretëria e Bashkuar e ka shpallur në vitin 1979.
Shumë prej ishujve të këtij arkipelagu përballen sot me rrezikun e zhdukjes për shkak të rritjes së nivelit të detit, një pasojë direkte e ndryshimeve klimatike.
Kiribati ka rreth 116 mijë banorë dhe, megjithëse ndodhet pranë Havait, e feston Vitin e Ri pothuajse një ditë më herët se shteti amerikan, duke u bërë kështu pika e parë në botë që mirëpret vitin e ri.
