Anëtari i Këshillit Kombëtar të Partisë Demokratike, Ilir Alimehmeti, ka komentuar zhvillimet politike në vend gjatë një interviste në emisionin “Studio24”, duke theksuar se situata aktuale kërkon reagim të fortë nga qytetarët dhe opozita.
Sipas Alimehmetit, korrupsioni, kriminaliteti dhe largimi masiv i shqiptarëve nga vendi janë probleme serioze që e bëjnë të patolerueshme vijimin e kësaj qeverisjeje. Ai u shpreh se në këto kushte qytetarët përballen me një zgjedhje të qartë: ose krimi, ose shteti ligjor.
“Rruga e duhur është rotacioni absolut, largimi i kësaj qeverie të mpleksur me krimin, në mënyrë që shqiptarët të vendosin vetë për shtetin e tyre dhe të krijohen kushtet që ata të rikthehen në vend,” deklaroi Alimehmeti.
Ai konfirmoi gjithashtu se do të jetë pjesë e protestave të vazhdueshme të Partisë Demokratike, duke theksuar se opozita është në të drejtën e saj të kërkojë pastrimin e qeverisë dhe të shtetit. Sipas tij, qytetarët kanë të drejtën legjitime të zgjedhin një alternativë më të mirë përballë qeverisë aktuale.
Këtu në shtet ose do jetoj krimi ose do jetojnë qytetarët, deri tani krimi ka superuar dhe qytetarët janë larguar. Duhet rotacioni absolut që qytetarët të vendosin për shtetin e tyre. Do jem pjesë e çdo proteste e PD-së është në të drejtën e saj të kërkojë pastrim total të qeverisë dhe njerëzit të zgjedhin një qeveri alternative.
Dhe ka qenë një nga premtimet madhore kur nisi foltorja apo Rithemelimi, hapja ka qenë e pjesshme. Nuk mund të gënjejmë. Nuk ka qenë e plotë. Në radhë të parë kemi problem kryesor PS dhe Rilindjen. Zëvendësohet kjo me PD është hapi i dytë. Hapi i parë është largimi i tyre. Besoj se faktet që po shihni gjatë këtyre ditëve dhe pjesa e grupit të punës nga SHBA afati 90-ditor për verifikimin e korrupsionit trafikun e drogës janë gjëra të këtyre ditëve. Bëhet fjalë për fatin e Shqipërisë e gjithë rajonit. tha ai.
