Protestat e fermerëve grekë, të nisura prej javësh për shkak të subvencioneve të vonuara, çmimeve të ulëta dhe kostove të larta të prodhimit, kanë bllokuar autostrada dhe pika kufitare, duke ndikuar drejtpërdrejt edhe në furnizimin energjetik të vendeve fqinje në Ballkanin Perëndimor.
Bllokadat e fermerëve grekë në kufi ka krijuar problematike jo vetëm brenda vendit, por edhe në drejtim të shteteve fqinje në vështirësitë në qarkullimin ndërkufitar.
Jo vetëm kaq, por Maqedonia e Veriut ka shpallur gjendjen e krizës energjetike, pasi kjo situatë ka ndikuar në ndërprerjen e furnizimit me karburant për termocentralet.
Si pasojë e situatës së krijuar, Maqedonia e Veriut shpalli gjendjen e krizës në sektorin e energjisë elektrike për një periudhë 7-ditore.
“Vendimi vjen si pasojë e pamundësisë për furnizim me karburant, e domosdoshme për prodhimin e energjisë elektrike”, thuhet në deklaratën zyrtare pas mbledhjes së kabinetit qeveritar ne Shkup.
Ndërkaq, kriza energjetike dhe rritja e çmimit të energjisë elektrike ka sjellë debate edhe në politiken maqedonase, ku kreu i partisë opozitare maqedonase LSDM Venko Filipçe, ka shkëmbyer replika me kryeministrin Hristijan Mickoski.
Sipas opozitës, pas thuajse dy vite qeverisje, nuk është bërë asgjë për ta përforcuar sektorin energjetik për prodhimin e energjisë elektrike. Madje thuhet se në vend nuk prodhohet me kapacitetet maksimal, si pasojë e së cilës tani importohet energji elektrike nga jashtë, me çmim më të shtrenjtë, duke shpallur gjendjen e krizës.
