Në zonën e varreve monumentale ilire në fshatin Selcë e Poshtme të Mokërës janë konstatuar gërmime të paligjshme, që po kryheshin nga tre të rinj.
Ngjarja lidhet me përpjekje për kërkime sendesh me vlerë në një territor të mbrojtur si zonë arkeologjike, ku çdo ndërhyrje pa leje është e ndaluar me ligj.
Tre të rinjtë janë shoqëruar për verifikim, ndërsa nga kontrolli është gjetur dhe sekuestruar një metalkërkues dhe mjeti që ata kishin përdorur për të hyrë në zonë.
Territori i Selcës së Poshtme njihet si një nga sitet më të rëndësishme ilire në juglindje të vendit, dhe çdo gërmim i paautorizuar aty mund të dëmtojë shtresat historike dhe monumentet antike.
