Ura në fshatin Qafzë të Kolonjës është dëmtuar dhe është e pakalueshme, si pasojë e reshjeve të dendura të pak ditëve më parë.
Dëmtimi i kësaj ure ka sjellë një situatë alarmante te banorët. 13 fshatra kanë mbetur të izoluara për shkak të mosrregullimit të kësaj ure.
Qindra banorë të këtyre 13 fshatrave, shumica prej tyre të moshuar, kanë mbetur të braktisur pa qendër shëndetësore, pa ambulacë.
Prej 20 ditësh ura e fshatit është e dëmtuar dhe nuk ka asnjë shenjë nga Bashkia e Kolonjës për të riparuar urën.
Banorët e 13 fshatrave të mbetur të bllokuar janë lënë në mëshirë të fatit nga bashkia.
