Një 24-vjeçar është arrestuar nga policia pasi ka përndjekur një 22-vjeçare.
Sipas policisë përndjekja e të resë ka qenë e vazhdueshme dhe ditën e djeshme raportohet se e ka goditur edhe me grushte.
“Specialistët e Krimeve të Komisariatit të Policisë Nr. 2 arrestuan shtetasin A24 vjeç, pasi ka përndjekur në mënyrë të vazhdueshme një 22-vjeçare dhe ditën e djeshme e ka goditur me grushte”, thuhet në njoftimin e policisë.
Grupi hetimor po punon për zbardhjen e plotë të ngjarjes.
Materialet procedurale i janë referuar Prokurorisë së Tiranës, për veprime të mëtejshme.
