Presidenti i Ukrainës, Volodymyr Zelensky, do të takohet të hënën, më 1 dhjetor, me homologun francez Emmanuel Macron në Paris për të diskutuar mbi negociatat për paqen me SHBA-në dhe përfundimin e konfliktit me Rusinë, njoftoi Pallati Elysee.
Sipas presidencës franceze, dy udhëheqësit do të shkëmbejnë pikëpamje mbi situatën në terren, kushtet për një paqe të drejtë dhe të qëndrueshme, si dhe garancitë e sigurisë brenda kornizës së koalicionit të vullnetit. Takimi vjen pas konsultimeve të zhvilluara në Gjenevë dhe planit të propozuar nga Shtetet e Bashkuara.
Ndërkohë, një ekip negociator ukrainas është nisur drejt Uashingtonit, i kryesuar nga ish-Ministri i Mbrojtjes Rustem Umerov, pas ndryshimeve të fundit që u bënë për shkak të një skandali korrupsioni në Kiev.
Zelensky u shpreh se misioni i ekipit është i qartë: “Të përpunohen shpejt dhe në mënyrë thelbësore hapat e nevojshëm për t’i dhënë fund luftës dhe për të arritur një paqe dinjitoze”.
