Leonard Ademaj, vëllai i Liridona Ademajt, e reja e cila u vra dy vite më parë në Kosovë, ka bërë një postim prekës në rrjete sociale.
Ai thotë se këto dy vite nuk kanë qënë aspak të lehta për familjen Ademaj, ndërsa shton se nuk do të ndalen derisa të gjejnë drejtësi për vrasjen e motrës.
“Sot bëhen 2 vite që nga ikja jote Motër.Malli për ty shtohet qdo ditë, mungesa jote vërehet në qdo kohë. Këto 2 vite nuk ishin të lehta për ne si familje, nuk mundemi asesi të pajtohemi me faktin qe ti nuk je më ne mesin tonë. Na ka marë malli shumë për prezencën tënde asgjë më nuk është e njejtë.
Vitet po ecin shpejtë e ne akoma po ballafaqohemi me kriminelët të cilet padrejtësisht të moren nga ne. Do të luftojmë deri në frymen e fundit duke kerkuar drejtësi për ty Motër. Kriminelët duhet të marrin denimin e merituar. Të kujtojmë me mall e shumë dashuri Familja Ademaj dhe djemt Diar&Dion”, shkruan ai.
Liridona Ademaj u vra më 29 nëntor 2023, në rrugën “Dalip Alshiqi” në Prishtinë. Rasti fillimisht u raportua si “grabitje me pasoja të vrasjes”, por pak ditë më vonë autoritetet arrestuan bashkëshortin e Liridonës, Naim Murseli i cili dyshohet të jetë dhe porositësi i eleminimit. Aktualisht ai ndodhet në burg në pritje të dënimit.
Bashkë me të, janë dhe tre persona të tjerë, Kushtrim Kokalla, Granit Plava dhe Tom Dodaj të cilët dyshohet se kanë zbatuar urdhrin e Naimit për të vrarë Liridonën, në këmbim të parave.
